今日係芊嶠28個月大，媽媽同爹爹帶埋細佬同芊嶠去左由 《好媽咪 Baby-mo》 舉辦既10周年開心大派對。不過地點就有d遠，係機場博覽館，搭巴士都要個幾鐘，好彩芊嶠同細佬全程車都訓著教，禁就冇禁辛苦。
去到博覽館第一時間係去育嬰室，因為要幫細佬同芊嶠換片，仲要埋身餵細佬奶，想講個育嬰室真係好大，有兩張單人梳化，又有冷氣，又有換片墊，又有洗手盤，仲有張茶几台。輕輕鬆鬆，舒舒服服禁餵完奶，就出發去party喇！
嶠爸之前係網上抽中左兩張成人飛，所以我地就只需要買芊嶠一張小童飛，另外一歲以下既小童係免費入場。入到去，係門口拎住小童既入場門票就可以換到一個美素佳兒既牛牛眼罩，芊嶠急不及待要拆黎戴。
入到場就有博覽館既攤位，只要係指定背景影相，再註冊，之後upload上去佢地server，再隔10幾分鐘，就可以拎返我地upload上去時相，不過細佬訓著左，我地冇抱埋佢影！
另外入場仲會有一張coupon，可以拎住唔同既coupon去唔同攤位到換野，有d攤位係只要Like & Share Facebook Page就可以免費拎走禮物，其實我覺得同bb展差唔多。
但唔同既係，哩個展覽入面有好多遊戲攤位，又有大型充氣滑梯，又有充氣城堡，好多唔同既充氣公仔，小朋友可以係入面玩，有d要3歲以上先玩得，大多數都係3歲以下就玩得，絕對係放電時間！
我地去左好多攤位換禮物，當然都有買下野既，有芊嶠至愛SmartFish魚油，又有細佬既NB尿片。我地仲去左Now TV舉辦既影相活動，可以同一堆Peppa Pig公仔一齊影相，之後佢地仲會即場曬返張相比你，10分鐘後就拎得，我地當然預埋訓左教既細佬仔一齊影返張靚靚全家福啦！
場內仲有Baby-mo雜誌封面model 即場試鏡，只要小朋友係6-24個月大，就可以即場登記，入去影相試鏡，只可惜芊嶠過左24個月，細佬又未夠6個月，禁唯有就等下次機會啦！有興趣帶小朋友參加既媽媽唔好錯過喇！
場內仲有爬行比賽同埋推車比賽，入到場就可以去登記，齊人就會開始，所以要一入場就去登記喇！我地玩下行下，禁就兩個鐘。
之後係博覽館既KFC食個Tea，不過選擇好少，食食下細佬仔大喊，因為佢都想食奶，所以媽媽就即刻帶佢跑去育嬰室。本來一路去緊育嬰室都仲喊緊，一去到放佢係換片墊就唔喊，因為佢知道換完片就會有奶食，拿拿臨換完就比奶細佬食，食飽飽我地就搭巴士返屋企，又個半鐘，回程途中芊嶠同嶠爸都訓左，到細佬唔訓，搞左好耐，差唔多落車先訓！今日哩半日真係過得好充實，嶠媽好累，真係唔敢想像嶠爸返左工之後我一推二出街搞唔搞得掂！
✨✨✨✨✨✨✨✨✨✨✨✨✨✨✨✨
好媽咪 Baby-mo 10周年開心大派對
日期：12 - 14 May 2017
時間：10:30 - 19:00
地點：亞洲國際博覽館2號展館
票價：成人 (12歲或以上) $30，小童 (1-11歲) $70，開心家庭套票 (2成人1小童) $90。
*仲有個，開心有禮限量家庭套票 (2成人1小童) $190 (有多款價值$300既禮物供選擇，數量有限，送完即止。)
✨✨✨✨✨✨✨✨✨✨✨✨✨✨✨✨
Search